Sunday, May 27, 2007

ജീവിതമധുരം

ചവര്‍ക്കും കായ്കള്‍
അത്യുഷ്ണത്തില്‍
‍പഴങ്ങളാകും പോല്‍
‍അനുഭവങ്ങളുടെ കൊടുംവേനല്‍
ജീവിതത്തിന്‍ മധുരമേറ്റിടും.

Labels:

Thursday, May 17, 2007

വഴിക്കണക്ക്

പരീക്ഷയിലെ
അവസാന വഴിക്കണക്ക്.

പലതവണ
കൂട്ടലും
കിഴിക്കലും
ഗുണിക്കലും
ഹരിക്കലും.

അക്കങ്ങളെ
പുറത്തിരുത്തിയും
തിരിച്ചെടുത്തും
കടം വാങ്ങിയും
ഓരോ കടമ്പയും കടന്ന്

അവസാന ഹരണത്തിന്റെ
ഇടയില്‍ മണിയടിച്ചപ്പോള്‍
‍ഒരു ചോദ്യം മാത്രം ബാക്കി

ശിഷ്ടം?

Labels:

Monday, May 14, 2007

കനല്‍

കാറ്റില്‍ കുളിരാതെ
മഴയില്‍ കിളിര്‍ക്കാതെ
മണ്ണില്‍ മുളക്കാതെ
വെയിലില്‍ വാടാതെ.

Labels:

Tuesday, May 08, 2007

പറിച്ചു നടല്‍

വീട്ടുവളപ്പില്‍ ഞാന്‍ നട്ടു വളര്‍‌ത്തിയ
ചീരത്തോട്ടം പറിച്ചു നട്ടത്
കല്യാണത്തിന് വെപ്പുപുരയൊരുക്കാന്‍.

വിരുന്ന് കഴിഞ്ഞ് വന്നപ്പോള്‍ കണ്ടത്
ഉണങ്ങി പോയ ചീരച്ചെടികളെ,
വിടരാതെ വാടിയ മൊട്ടുകളോടെ.

പറിച്ചു നട്ടിട്ടും
പടര്‍ന്നു പന്തലിച്ചെന്‍ ജീവിതത്തിനു താഴെ
ഒരു പാട് ചീരപ്പൂക്കളുടെ നിഴല്‍.

Labels: