യാത്ര

വഴിവക്കില്‍ വണ്ടിചക്രത്തില്‍ കാറ്റു നിറക്കുന്നവരെ
നോക്കി ചിരിക്കുന്നവരറിയുന്നില്ല;
നിറയ്ക്കാനാകാത്ത ചക്രങ്ങളിലാണ്
തങ്ങളുടെ യാത്രയെന്ന്

ത്യാഗം

സ്വയമെരിയാതെ വെട്ടമേകില്ലൊരുതിരിയും

തിരിച്ചറിവ്

കണ്ണിലൊരു കരടു പോയപ്പോഴാണ്‌
തിരിച്ചറിഞ്ഞത്
ഞാന്‍ നിന്റെ കണ്ണിലെ കരടായിരുന്നപ്പോള്‍
എന്തുമാത്രം നൊന്തുവെന്ന്
എന്നിട്ടുമൊരുവേള ശ്രമിച്ചില്ലല്ലൊ
എന്നെയവിടെ നിന്നെടുത്തുമാറ്റാന്‍.