ഞാനെന്താ കൊച്ചുകുട്ട്യാ

രാവിലെ തിരക്കിട്ട്
ഓഫീസിലേക്ക് പുറപ്പെടുമ്പോള്‍
വാപ്പ തുടങ്ങും:
നീയെന്തെങ്കിലും കഴിച്ചോ,
തല ഒന്നും കൂടി തോര്‍‍‌ത്തായിരുന്നില്ലേ,
നല്ല തണുപ്പുണ്ടല്ലോ
സ്വെറ്ററിടുന്നില്ലേ
തുടങ്ങി നൂറായിരം ചോദ്യം.

എനിക്ക് പത്തുമുപ്പത്തഞ്ച് വയസ്സായെന്നും
മൂന്ന് മക്കളുടെ തള്ളയായെന്നും
ഈ ചോദ്യങ്ങള്‍ക്കൊന്ന് ഉത്തരം
പറയാന്‍ പോലും സമയമില്ലാത്തത്ര
തിരക്കാണെന്നും
വാപ്പാക്കറിയാത്തപോലെ.

(ഒരു മാസത്തെ വിസിറ്റിന് ദുബായിലെത്തിയതാ വാപ്പ. എത്രവളര്‍‌ന്നാലും ആ സ്നേഹാകാശത്തിനു കീഴെ ഞാനെത്ര ചെറുതാണെന്ന തിരിച്ചറിവിനു മുമ്പില്‍ ഈ ബ്ലോഗിലെ നൂറാം പോസ്റ്റ്.)